包餃子

上星期包了三十隻菠菜豬肉餃，今星期諗住包多三十隻菊芋（又名洋薑）豬肉餃，點知攪錯皮的份量，做了double皮，最後唔夠餡料，只包到四十多隻，其餘的麵團cut好後冷藏留用。都係怪自己上星期唔快手D打blog記住份量。

菊芋是經檸檬羊介紹我先識得食。見就見過好多年，不過一直冇買過。

羊介紹話菊芋最特別之處是阻隔澱粉質及脂肪吸收，絶對對減磅有幫助。就係呢句吸引我買！

食落爽口似沙葛，唔錯喎，所以試下用嚟做餃子，增加口感。

餃子皮: 500g 麵粉，200g水，少許鹽，搓成麵團可以做到六十隻大餃子。搓粉過程如果太乾，難以混合，我會洗濕隻手，唔洗沬，用濕手搓粉。

搓好後用保鮮紙包住靜待三十分鐘，呢個時候最啱預備餡料。

菊芋去皮切細粒炒熟，加少少蔥，混合salamina豬肉。我用salamina, 貪佢已調味，加上肥瘦啱啱好，唔怕肉實。

要煎到有脆底，最重要係煮餃子時水中加有麵粉。

我會喺放餃子的碟預先灑上粉，咁每隻餃子底部都沾到粉。

平底煎pan少許油加熱後放餃子，加水至餃子一半高度，加蓋，煮至水乾。